Efektet e krizës së karburanteve, asaj energjetike apo ushqimore që thuhet se po afron, po ndihen kudo dhe janë bërë shqetësuese për shumicën e njerëzve, veçanërisht për ata nga familjet me të ardhura të ulëta.
Prandaj, është e kuptueshme pse shumë njerëz pyesin se çfarë mund të bëhet për të ulur kostot gjatë kësaj kohe. Por, a mund të ndihmojnë automjetet elektrike ose hibride?
Më poshtë janë disa nga pyetjet dhe mitet më të zakonshme rreth automjeteve elektrike. Pasi t’i lexoni, do të jetë më e lehtë të vendosni se cila makinë është më e përshtatshme për ju.
A janë bateritë e automjeteve elektrike më të mirat?
Motorët e baterive të BEV-ve janë krijuar që të zgjasin sa jetëgjatësia e vetë automjetit, kështu që ato janë më të mira krahasuar me bateritë e llojeve të tjera të automjeteve që kanë qenë në përdorim deri më tani.
Aktualisht, rreth 80% e jetëgjatësisë së baterive është nga 12 deri në 15 vjet, dhe po punohet që në të ardhmen të zgjasin deri në 20 vjet.
A do të bëhen më të lira makinat elektrike përpara ndalimit të vitit 2035 për makinat me karburant?
Po, jo vetëm sepse teknologjia e baterive përparon në mënyrë dramatike dhe kostot mund të ulen deri në afërsisht 50%, por edhe sepse automjetet elektrike janë më të thjeshta për t’u ndërtuar. Ato kërkojnë shumë më pak pjesë lëvizëse.
Rrjedhimisht, kostot e prodhimit mund të ulen nga 20 deri në 40% deri në vitin 2030, dhe makinat do të jenë më të lira për t’u përdorur dhe ndërtuar sesa janë sot.
Sa të sigurta janë automjetet elektrike dhe si funksionojnë ato në mjedise të ndryshme?
Duke parë markën Tesla, duket se automjetet elektrike janë më të sigurta se makinat me motor me djegie të brendshme (ICEV). Tesla ka qenë vazhdimisht në krye të listave si makina më e sigurt në testet e përplasjes, falë stabilitetit të lartë të baterive.
Gjithashtu, moti duket se nuk ndikon aq shumë në funksionalitetin e automjeteve elektrike, krahasuar me makinat me benzinë. Për shembull, Norvegjia, që ka më shumë automjete elektrike për frymë në botë, nuk është përballur me ndikime domethënëse nga të ftohtit ekstrem.
Në rastet e motit ekstrem, automjetet elektrike janë, për ironi, më të sigurta për të drejtuar sesa makinat me motor me djegie të brendshme. Kjo për shkak se sistemi elektrik është plotësisht i vulosur sipas standardeve më të larta. BEV-të nuk kanë nevojë për marrës ajri si motorët me djegie të brendshme dhe mund të kalojnë nëpër ujëra shumë të thella pa e ndotur atë me vaj, pasi nuk kanë të njëjtin rrezik rrjedhjeje.
